Siolim Crime News: उत्तर गोव्यातील शिवोली येथे एका गोशाळेतील कर्मचाऱ्याने गोशाळेच्या शेडलाच गळफास घेऊन आत्महत्या केल्याचे समोर आले आहे. रमेश तिलकबहादूर पुन (वय 24) असे या कामगाराचे नाव आहे. तो मूळचा भाईले मोळी काराशीरमोळी काणकोण येथील असून सध्या शिवोलीत राहत होता.

रमेश हा शिवोली येथील अतुल गोशाळेत मदतनीस म्हणून काम करत होता. पेट्रोल पंपाशेजारी असलेल्या गोशाळे शेडच्या छताला नायलॉनच्या दोरीने गळफास घेत आत्महत्या केली. आत्महत्येचे कारण कळू शकलेला नाही. हणजुण पोलिसांनी या घटनेचा पंचनामा करून मृतदेह उत्तरीय तपासणीसाठी बांबोळीच्या गोमेकॉ मध्ये पाठवून दिला आहे.