पणजी: पणजीचे भाजप आमदार अतानासिओ ऊर्फ बाबुश मोन्सेरात (MLA Babush Monserrate) हे पणजीतून निवडणूक लढवणार असल्याने ते आज 10 रोजी श्री महालक्ष्मीचे दर्शन प्रचाराला अधिकृतपणे प्रारंभ करण्याची घोषणा केली होती. मात्र अजून भाजपने विधानसभेसाठी (Goa Assembly) उमेदवारांची यादी जाहीर न केल्याने त्यांनी ही घोषणा मागे घेतली आहे असे स्पष्टीकरण मोन्सेरात यांनी केले आहे. मात्र त्यांच्या या निर्णयामुळे पणजीत उलटसुलट सुरू झाली आहे. (sudden decision of Babush Monserrate sparked discussion)

हल्लीच पणजीत झालेल्या पणजी भाजप (Goa BJP) मंडळाच्या जाहीर सभेत भाजपने आमदार बाबुश मोन्सेरात (MLA Babush Monserrat) यांना पणजीतून उमेदवारी निश्‍चित झाल्याचे संकेत दिले होते. त्यामुळे मोन्सेरात यांनी उमेदवारी यादीची पक्षाच्या केंद्रीय संसदीय मंडळाकडून घोषणा होण्यापूर्वीच कामाला सुरुवात करण्याचे ठरविले होते. त्यानुसार उद्या कार्यकर्त्यांना घेऊन श्रीमहालक्ष्मी मंदिरात जाण्याची तयारीही केली होती मात्र अचानक त्यांनी माघार घेतल्याने त्यांच्या या निर्णयाबाबत पुन्हा संभ्रम निर्माण झाला आहे. मुख्यमंत्र्यांनी तसेच ज्यांना उमेदवारी मिळण्याची खात्री आहे, त्यांनी यापूर्वीच प्रचाराला सुरुवात केली आहे तर आमदार मोन्सेरात यांनी माघार का घेतली आहे, असा प्रश्‍न चर्चिला जात आहे.