पणजी: चोडण जेटीजवळ बुडालेली 'बेती" फेरीबोट ११ दिवसानंतर पाण्याबाहेर काढण्यात शुक्रवारी (०४ जुलै) यश आले. यासाठी २० लाखांहून अधिक खर्च आला आहे. फेरीबोटीच्या तळाला किंवा बाजूच्या भागात कोणतेही छीद्र आढळले नाही. त्यामुळे घटनेला जबाबदार कोण, याचा शोध नदी परिवहन खात्याला घ्यावा लागणार आहे.

येथे पाहा व्हिडिओ

फेरीबोट कधी पाण्याबाहेर येणार याकडे सर्वांचे लक्ष लागले होते. नदीपरिवहन खात्याने नियुक्त केलेल्या विनयदीप एंटरप्रायझेस व वास्कोच्या कनिष्का साल्वेज कंपनीच्या कर्मचाऱ्यांनी संयुक्तपणे फेरीबोट बाहेर काढली. त्यासाठी क्रेनची मदत घेण्यात आली.

टग बोटीद्वारे ती फेरीबोट दुपारी बेती येथील फेरीबोट कार्यशाळेत नेण्यात आल्याची माहिती नदी परिवहन खात्याचे संचालक विक्रमसिंह राजेभोसले यांनी "गोमन्तक "ला दिली.