Stop cattle slaughter in Goa

पणजी: गोवंशांची होणारी कत्तल थांबवा आणि बेकायदेशीरपणे सुरु असणारे कत्तलखाने बंद करा, अशी मागणी गोवंश रक्षा अभियानाची गोवा सरकारकडे केली आहे. गोमा मांस संकुलात होणारी गोवंशाची कत्तल बंद करुन शेजारच्या राज्यातून येणारे बेकायदेशीरपणे गोमांस थांबवण्याची मागणी अभियानाने केली आहे.

गोवंश रक्षा अभियानाच्या वतीने आझाद मैदान, पणजी येथे पत्रकार परिषद घेण्यात आली. गोवा मांस संकुलात कायदेशीर कत्तल चालते असा सांगितले जाते. पण, २०१३ साली संकुलात बेकायदेशीरपणे कत्तलीसाठी वासरे आणली होती, असा संशय आहे. याप्रकरणी न्यायालयात धाव घेतली असता न्यायालयाने वासरांच्या कत्तलीवर बंदी घातली, अशी माहिती संघटनेचे अध्यक्ष हनुमंत परब यांनी दिली.

गोवा मांस संकुलात बैलांच्या कत्तलीवर बंदी घालणारी अधिसूचना जारी करावी, अशी मागणी मुख्यमंत्री प्रमोद सावंत यांच्याकडे केल्याची माहिती परब यांनी यावेळी दिली. कर्नाटकातून मोठ्या प्रमाणावर बेकायदेशीर गोमांत गोव्यात आयात केले जाते. याबाबत सीमेवर अधिकारी तैनात करुन कारवाई करण्याची मागणी देखील परब यांनी केलीय.