मागील 2 दिवसात गोव्यामध्ये मुसळधार पावसाने धुमाकूळ घातला आहे. अनेक ठिकाणी पाणी भरणे, पडझड तसेच दरड कोसळण्याच्या घटना घडल्या आहेत. आता कोने, प्रियोळ येथील मुख्य रस्त्यावर दरड कोसळल्याची घटना घडली आहे. घटनास्थळी अग्निशामक दलाचे कर्मचारी दाखल झाले आहेत. पण या घटनेमुळे पणजी - फोंडा मार्गावरील वाहतूक ठप्प झाली आहे.

आगोंद व खोला पंचायत क्षेत्राला जोडणाऱ्या साळेरी पुलाजवळ यंदा पुन्हा दरड कोसळण्याची शक्यता निर्माण झाली आहे. पुलाच्या आगोंद बाजूला रस्त्याच्या दोन्ही बाजूंकडील डोंगराची दरड कोसळून दगड व माती रस्त्यावर आली होती.