पुढील पाच दिवस राज्यातील काही भागांत मेघगर्जनेसह तुरळक अवकाळी पावसाची शक्यता गोवा वेधशाळेने वर्तविली आहे. राज्यातील हवामानात आर्द्रतेचे प्रमाण वाढत असल्याने ट्रफ निर्माण झाला असून कोकण आणि कर्नाटक प्रातांत कमी दाबाचा पट्टा निर्माण झाल्याने राज्यातील वातावरण ढगाळ असेल तसेच पाऊसही बरसणार आहे. धारगळ, सत्तरी, पेडणे आदी तालुक्यात प्रामुख्याने पाऊस बसरेल. किनारी भागात 17 मार्चनंतर पावसाची शक्यता आहे.

व्हायरल व्हिडिओ, संदेशामुळे संभ्रम : राज्यात मोठ्या प्रमाणात पाऊसाची तसेच येत्या काही दिवसांत वादळी वाऱ्याची शक्यता असल्याचे काही खोटे व्हिडिओ व्हायरल झाल्याने नागरिकांत संभ्रम निर्माण झाला आहे. याबाबत गोवा वेधशाळेचे वैज्ञानिक एम. राहुल यांनी सांगितले, की सद्यस्थितीत राज्यात कोणत्याच प्रकारच्या वादळाची शक्यता नाही.