मडगाव : पश्चिम रेल्वेच्या सहकार्याने कोकण रेल्वेने होळीनिमित्त सुरत ते मडगाव दरम्यान खास गाड्यांची व्यवस्था केली आहे. त्यामुळे गोव्यासह कोकणात होळीसाठी येणाऱ्या प्रवाशांना याचा फायदा होणार आहे. 09193 आणि 09194 या दर आठवड्यातील दोन खास गाड्या विशेष दरात सुरु करण्यात येणार आहेत. (Konkan Railways News Updates)

09193 ही सुरत ते मडगाव (Madgaon) जंक्शन गाडी 17 मार्चला सुरतहून संध्याकाळी 7.50 वाजता सुटेल व मडगावला दुसऱ्या दिवशी दुपारी 12.30 वाजता पोहोचेल. तसेच मडगाव ते सुरत ही 09194 या क्रमांकाची गाडी (Railway) मडगावहून 18 मार्च रोजी दुपारी 1.40 वाजता सुटेल आणि सुरतला दुसऱ्या दिवशी सकाळी 8.35 वाजता पोहोचेल.

या गाड्या वलसाड, वापी, पालघर, वसई रोड, पनवेल, रोहा, माणगाव, वीर, खेड, चिपळूण, संगमेश्वर, रत्नागिरी, राजापूर रोड, वैभववाडी, कणकवली, सिंधुदुर्ग, कुडाळ, सावंतवाडी रोड, थिवी व करमळी स्थानकांवर थांबतील. या गाड्यांचे आरक्षण (Reservation) 6 मार्च 2022 पासून सर्व पॅसेंजर रिझर्वेशन सिस्टम काउंटर्स किंवा आयआरसीटीसी वेबसाईटवर सुरु होईल, असे कोकण रेल्वेतर्फे कळवण्यात आले आहे.