Goa News: कुठठाळी पंचायतीची विशेष ग्रामसभा रविवारी सकाळी 9.30 पंचायत सभाग्रहात बोलाविण्यात आली आहे. नव्यानेच बांधलेल्या बाजार संकुलाच्या एकंदर वस्तुस्थितीवर ग्रामसभेत सखोल चर्चा करण्यात येणार आहे.

सध्या या बाजार संकुलात केवळ मासे, फळ, भाजी विक्रेत्यांकडून व्यवसाय चालू आहे. दहा बोलीदाराना या संकुलात गाळे वितरीत करण्यात आले आहेत. पण अजूनही गाळे धारकांनी आपला ताबा घेतला नाही.

शिवाय येथील पोलीस चौकी, टपाल कार्यालय, वीज उपकेंद्र यांनाही ताबा घेण्यासाठी पंचायतीने पत्र पाठवून सूचना केली होती तरी पण त्यांनीही कामकाज या ठिकाणी सुरु केलेले नाही.