KGF-2 चित्रपटाने प्रेक्षकांना भुरळ घातली आहे. या चित्रपटाला चाहत्यांनी भरभरून प्रेम दिले आहे. चित्रपटातील मुख्य अभिनेता यश त्याच्या पत्नीसह गोव्याला आला आहे. गोव्यात यश आणि त्याच्या पत्नीने मुख्यमंत्री प्रमोद सावंत यांची भेट घेतली. याबाबत सावंत यांनी ट्वीट करून माहिती दिली. (South superstar Yash meets Goa CM Pramod Sawant)

सर्वत्र KGF-2 चा बोलबाला
'पुष्पा' आणि 'RRR' नंतर, संपूर्ण भारतात 'KGF Chapter 2' बॉक्स ऑफिसवर राज्य करत आहे. साऊथ स्टार यशच्या 'KGF 2' च्या हिंदी चित्रपटाने 300 कोटींच्या क्लबमध्ये प्रवेश केला आहे. प्रसिद्ध चित्रपट समीक्षक रमेश बाला (Ramesh Bala) यांनी त्यांच्या अधिकृत ट्विटर हँडलवर यासंदर्भात माहिती दिली आहे. त्यांनी आपल्या ट्विटर पोस्टमध्ये लिहिले की, 'KGF 2' च्या हिंदी व्हर्जनने भारतीय बॉक्स ऑफिसवर 300 कोटी रुपयांचा टप्पा ओलांडला आहे. 300 कोटींच्या क्लबमध्ये प्रवेश करणारा 'बाहुबली 2' नंतर हिंदीत डब केलेला हा दुसरा दाक्षिणात्य चित्रपट (South Movie) आहे.