महिला सक्षमीकरणासाठी काँग्रेस पक्षाच्या वतीने महिलांची बाइक रॅली काढण्यात आली. दक्षिण गोवा जिल्हा युवक काँग्रेसने रविवारी हिरवा झेंडा दाखवून महिलांची बाइक रॅली काढली. काँग्रेसच्या देशव्यापी उपक्रम 'शक्ती - सुपर शी' या कार्यक्रमाचा हा एक भाग आहे.

माजी पंतप्रधान इंदिरा गांधी यांच्या पुण्यतिथी निमित्त गोवा जिल्हा युवक काँग्रेसच्या वतीने बाईक रॅली काढण्यात आली. महिला सक्षमीकरणावर आमचा विश्वास आहे. महिलांना शिक्षण, त्यांचे हक्क संरक्षण यांचा आम्ही आदर करतो.

सावर्डे, कुडचडे, सांगे आणि केपे या भागातून रॅली काढण्यात आली. या भागातील रॅलीमध्ये सहभागी झालेल्या महिलांचे युवक काँग्रेसचे अध्यक्ष महेश नादार यांनी आभार मानले आहेत.

महिला सक्षमीकरणासाठी आम्ही ही मोहिम सुरुच ठेऊ तसेच, वेगवेगळ्या मतदारसंघात बाईक रॅली केली जाणार असल्याचे नादार म्हणाले.