पणजी : अपक्ष आमदार आणि गोव्याचे सांस्कृतिक मंत्री गोविंद गावडेंनी अखेर भाजपमध्ये प्रवेश केला आहे. भाजपचे गोवा प्रभारी देवेंद्र फडणवीस, गोवा भाजप प्रदेशाध्यक्ष सदानंद शेट तानावडे, गोवा राज्याचे मुख्यमंत्री (CM) डॉ. प्रमोद सावंत यांच्या उपस्थितीत गोविंद गावडेंनी (Govind Gawade) भाजपमध्ये प्रवेश केला आहे. गोविंद गावडेंसह त्यांच्या कार्यकर्त्यांनीही भाजपमध्ये प्रवेश केला आहे.

दरम्यान, गोविंद गावडेंच्या पक्ष प्रवेशामुळे प्रियोळ मतदारसंघातील भाजपचे पदाधिकारी मुख्य कार्यकर्त्यांनी सामूहीक राजीनामा दिला आहे. गोविंद गावडेंच्या पक्ष प्रवेशामुळे हा गट नाराज असल्याचे बोलालले जात आहे. त्यामुळे संदीप निगळे हे अपक्ष लढणार आहेत. गोविंद गावडेंच्या पक्ष प्रवेश व उमेदवारीबाबत प्रियोळ भाजपकडून निषेध व्यक्त करत हा निर्णय घेण्यात आला आहे.

दरम्यान, माझ्या प्रवेशामुळे भाजपमध्ये (BJP) नाराजी आहे. मात्र ती नाराजी दूर करण्याचा प्रयत्न करणार आहे. तसंच भाजप पक्षश्रेष्ठींनी दाखवलेला विश्वास सार्थ ठरणार असल्याचं गोविंद गावडेंनी भाजपमध्ये प्रवेश केल्यानंतर स्पष्ट केलं.