पणजी शहरातील पोर्तुगीजकालीन नाल्यांची सध्या सफाई सुरू आहे. आत्माराम बोरकर मार्गावर ईडीसी इमारतीच्या समोरील रस्त्याच्या मध्यभागी असणाऱ्या या पोर्तुगीजकालीन नाल्याची सफाई व डागडुजी करण्याचे काम सुरू आहे.
इमॅजिन पणजी स्मार्ट सिटी विकास लिमिटेडने शहरातील गटार व्यवस्थापनसाठी समिती नेमली आहे. त्यामुळे पोर्तुगीजकालीन गटार व्यवस्थेचाही वापर करून शहरात पावसाळ्यात पाणी साचू नये,यासाठी प्रयत्न सुरू आहेत. पणजीत अनेक ठिकाणी पोर्तुगीजकालीन गटारे आहेत, त्यातील काही गटारे बुजलीही आहेत.
मागील काही दिवसांपूर्वी अशाचप्रकारे पोर्तुगीजकालीन गटार सापडले होते. अनकेदा पणजीतील नागरिक पोर्तुगीज कालीन गटार व्यवस्थेचा वापर केला तर पाणी साचणार नाही, असे सांगतात.
पणजीतून पावसाचे पाणी मांडवीत सोडण्यासाठीचे अनेक मार्ग आहेत, त्यांना स्मार्ट सिटी अंतर्गत बांधलेली नवी गटारे जोडली गेली आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.