केंद्र सरकारच्या ‘संकल्प’ योजनेखाली विशेष मुलांना विशेष व्यावसायिक कौशल्य प्रशिक्षण देण्यात येत आहे. या योजनेंतर्गत डिचोली येथील केशव सेवा साधना विशेष शाळेत कौशल्य प्रशिक्षण कार्यशाळेचे काल उद्‍घाटन करण्यात आले.

या कार्यक्रमास व्यासपीठावर डिचोली औद्योगिक प्रशिक्षण केंद्राचे प्राचार्य कपिल आयगल, चंद्रकांत शेटकर, प्रशिक्षक नेहा घाटवळ, पुष्पराज मांद्रेकर, केशव सेवा साधनाचे मकरंद कामत, मुख्याध्यापिका संजना प्रभुदेसाई व पालक शिक्षक संघाचे प्रदीप तिरोडकर उपस्थित होते.

कपिल आयगल यांनी ''संकल्प'' योजनेबद्दल माहिती दिली. चंद्रकांत शेटकर व नेहा घाटवळ यांनी विशेष प्रशिक्षण शिबिरासंबंधी माहिती दिली.

यावेळी कौशल्य विकास व उद्योजकता संचालनालयाचे औदुंबर साळगावकर, गंधाली पाटील, मयुरी शिरगावकर, देवानंद कवठणकर, किरण मुळी, श्रीराज पार्सेकर, बिंदीया गडकर, प्रथमेश गोडबोले, विनोद सावंत, हरीश फडते उपस्थित होते.