पेडण्यातील धारगळ येथे वारंवार अपघाताच्या घटना घडत असतात. दुपारी अज्ञात वाहनाने दिलेल्या धडकेत दुचाकीस्वाराचा जागीच मृत्यू झाला आहे. अपघातानंतर वाहनचालक फरार झाला. धारगळ येथील रेडकर हॉस्पिटल जवळ हा अपघात झाला.
संजय जळवी (सिंधुदुर्ग) असे या अपघातात मृत झालेल्या तरुणाचे नाव आहे.
अपघाताची माहिती मिळताच पेडण्याचे स्थानिक आमदार घटनास्थळी दाखल झाले. पोलिस घटनास्थळी दाखल झाले असून, पंचनामा केला जात आहे. या भागात सातत्याने होणाऱ्या अपघातामुळे स्थानिकांनी संताप व्यक्त केला.
अपघातानंतर या भागात काहीकाळ तणावाचे वातावरण निर्माण झाले होते.
राज्यात मागील काही दिवसांत हिट अँड रनच्या घटना वाढल्याचे दिसून आले. मांडवी पुलावर रेंट कॅबने दिलेल्या धडकेत दुचाकी चालक पुलावरुन नदीत कोसळला. दोन दिवसानंतर नदीत कोसळलेल्या व्यक्तीचा मृतदेह सापडला होता. याप्रकरणी रेंट कार चालकाला अटक करण्यात आली.
तसेच, हरमलमध्ये कारच्या दरवाजाची धडक बसल्याने आणि नंतर अंगावरुन ट्रक गेल्याने चुलत भावांचा मृत्यू झाला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.