Shivaji Maharaj Statue Reinstalled At Karaswada-Acoi Mapusa Goa: करासवाडा-आकय येथे छत्रपती शिवरायांच्या पुतळ्याची अज्ञातांकडून विटंबना करण्यात आली. रात्रीच्या सुमारास घडलेली ही घटना आज सकाळी उघडकीस आली. या घटनेनंतर राज्यातील वातावरण चांगलेच तापले.

दरम्यान शिवप्रेमींनी याच ठिकाणी पुन्हा शिवरायांचा पुतळा उभारणार असल्याचे जाहीर केले. त्या प्रमाणे सायंकाळी आज शिवप्रेमींनी करासवाडा-आकय येथे छत्रपती शिवरायांच्या पुतळ्याची स्थापना केली.

यावेळी आमदार कार्लुस फेरेरा आणि मंत्री सुभाष फळदेसाई हजर होते. दोघांनीही शिवरायांच्या पुतळ्याला जलाभिषेक घातला.

शिवरायांच्या पुतळ्याची विटंबना केल्यानंतर शिवप्रेमी चांगलेच संतप्त झाले. याचजागी शिवरायांच्या पुतळ्याची स्थापना करणार असल्याची घोषणा त्यांनी केली. त्याप्रमाणे शिवप्रेमींनी सायंकाळी मंत्री फळदेसाई आणि आमदार कार्लुस फेरेरा यांच्या उपस्थित पुतळ्याची स्थापना केली. दोघांनीही शिवरायांच्या पुतळ्याला जलाभिषेक केला. यावेळी शिवप्रेमींनी छत्रपती शिवाजी महाराज की जय, जय भवानी जय शिवाजी अशा घोषणा दिल्या.

दरम्यान, पुतळ्याची विटंबना केल्याप्रकरणी दोषींवर गुन्हा दाखल करून योग्य कारवाई करावी अन्यथा आंदोलन करण्याचा इशारा शिवप्रेमींनी दिला आहे.

खासदार आणि केंद्रीय मंत्री श्रीपाद नाईक यांनी देखील घटनास्थळी भेट दिली. ही घटना देशाच्या एकतेवर आघात असल्याचे नाईक यांनी म्हटले होते.