Shiroda News : शिरोडा, थळ-शिरोडा येथील श्री कामाक्षी देवीचा पौष मास अमावास्या उत्सव शुक्रवार, ९ रोजी हजारो भाविकांच्या उपस्थितीत जल्लोषात साजरा करण्यात आला.

यानिमित्त पहाटेपासूनच राज्याबरोबर शेजारच्या राज्यातील भाविकांनी देवीचा नवस फेडण्यासाठी तसेच नवस बोलून मंदिराला पाच प्रदक्षिणा घालण्यासाठी गर्दी केली होती.

यानिमित्त सकाळी श्री कामाक्षी, श्री रायेश्‍वर, श्री लक्ष्मीनारायण श्री शांतादुर्गा व पंचिष्ट दैवतांना विधिपूर्वक अभिषेक, पूजा व अन्य धार्मिक विधी श्री कामाक्षी देवीची मूर्ती सुवर्ण अलंकारांनी मढवून सुगंधी फुलांनी सजविली होती.

दुपारी आरती, प्रसाद झाला. रात्री श्री लक्ष्मीनारायण पालखी तसेच श्री कामाक्षीदेवीची सुवर्णमूर्ती अधिष्ठित करून टाळमृंदगाच्या गजरात व मंगलवाद्याच्या तालात भव्य मिरवणूक काढण्यात आली. महाआरती झाल्यावर देवीचे स्तोत्रपठन, गाऱ्हाणे व प्रसाद झाला.