पणजी: सीनियर महिला टी-20 क्रिकेट स्पर्धेसाठी आंतरराष्ट्रीय क्रिकेटपटू शिखा पांडे हिला कर्णधारपदी कायम राखण्यात आले आहे. स्पर्धेतील गोव्याची मोहीम ११ ऑक्टोबरपासून सुरू होईल. गोव्याच्या गटातील सामने गुवाहाटी येथे 11 ते 22 ऑक्टोबर या कालावधीत होतील.

(Shikha Pandey has been retained as the captain of the women's team for the senior women's T20 cricket tournament)

या गटात गतविजेते रेल्वे, मध्य प्रदेश आणि तमिळनाडू असे मातब्बर संघ असल्यामुळे गोव्याच्या महिला संघाचा कस लागण्याचे संकेत आहेत. जम्मू-काश्मीर, गुजरात, अरुणाचल प्रदेश, बिहार हे गटातील अन्य संघ आहेत.

गोव्याचा पहिला सामना रेल्वेविरुद्ध 11 ऑक्टोबरला खेळला जाईल. 12 रोजी तमिळनाडूविरुद्ध, तर १४ रोजी जम्मू-काश्मीरविरुद्ध लढत होईल. त्यानंतर अनुक्रमे गुजरात (ता. १६), अरुणाचल प्रदेश (ता. १८), बिहार (ता. २०) व मध्य प्रदेश (ता. २२) या संघांविरुद्ध गोव्याचा महिला संघ खेळेल.

गोव्याचा सीनियर महिला संघ: शिखा पांडे (कर्णधार), सुनंदा येत्रेकर, संजुला नाईक, विनवी गुरव, तेजस्विनी दुर्गड, निकिता मळीक, पूर्वजा वेर्लेकर, इब्तिसाम शेख, पूर्वा भाईडकर, तनया नाईक, रुपाली चव्हाण, श्रेया परब, मेताली गवंडर, दिव्या नाईक, सावली कोळमकर, ऊर्वशी गोवेकर.