Rape on Minor in Goa: महिला आणि अल्पवयीन मुलींवर होणाऱ्या अत्याचाराच्या वाढत्या घटना चिंतेची बाब बनल्या आहेत. साळगावातून अल्पवयीन मुलींवर लैंगिक अत्याचार झाल्याच्या दोन वेगवेगळ्या घटना समोर आल्या असून यामुळे परिसरात एकच खळबळ उडाली आहे. याबाबत पोलीस अधिक तपास करत आहेत.

मुलीचा गर्भपात करण्यासाठी बापाची डॉक्टरांकडे धाव...

माहितीनुसार, साळगावात दोन वेगवेगळ्या अत्याचाराच्या घटना समोर आल्या आहेत. साळगाव पोलिसात अल्पवयीन मुलींवरील लैंगिक अत्याचाराचे दोन गुन्हे दाखल झाले आहेत. पहिल्या प्रकरणात, एका अल्पवयीन मुलीचे पालक त्यांच्या अल्पवयीन मुलीचा गर्भपात करण्यासाठी डॉक्टरांकडे गेले असता डॉक्टरांनी पोलिसांना या प्रकरणाची माहिती दिली.

तर दुसऱ्या प्रकरणात, एका अल्पवयीन मुलीवर ती राहत असलेल्या परिसरातीलच एका व्यक्तीने लैंगिक अत्याचार केल्यानंतर तिला गर्भधारणा झाली होती. या दोन्ही घटना समोर आल्यानंतर परिसरात भीतीचे वातावरण निर्माण झाले आहे.

पोलिसांनी दिलेल्या माहितीनुसार, आरोपीने 5 महिन्यांपूर्वी मुलींचे लैंगिक शोषण केले होते. पीडितेच्या वडिलांना आपली मुलगी गरोदर असल्याचे समजल्यानंतर त्यांनी पोलिसात गुन्हा दाखल केला. याबाबत पोलीस अधिक तपास करत आहेत.

लैंगिक अत्याचाराच्या या वाढत्या प्रकरणांमुळे राज्यातील महिला सुरक्षेचा मुद्दा पुन्हा एकदा ऐरणीवर आला आहे.