सासष्टी: एसजीपीडीएने मार्केटमधील सोपो दर 10 वरुन 50 पर्यंत वाढविण्याचा निर्णय घेतला आहे. मात्र या मार्केटमधील सर्व मासळी, भाजी, फळे विक्रेत्यांनी एकत्र येऊन या वाढीचा निषेध केला आहे.

(Sellers' opposition to increasing SOPO in goa)

मार्केटमधील अस्वच्छता, मार्केटबाहेर बसणारे बेकायदेशीर विक्रेते याचा योग्य निर्णय घेतल्याशिवाय आम्ही सोपो रक्कम देणार नाही, असे एसजीपीडीए किरकोळ विक्रेते असोसिएशनचे अध्यक्ष फेलिक्स गोन्साल्विस यांनी सांगितले. मार्केटमधील अस्वच्छता वाढत चालली आहे. शिवाय आरोग्याचा प्रश्नही उपस्थित होत आहे.

आम्ही जास्तीत जास्त 20 रुपयापर्यंत सोपो देऊ शकणार ते सुद्धा आमच्या बैठकीत निर्णय झाल्यानंतरच. पण त्यासाठी एसजीपीडीएने मार्केट स्वच्छ करणे, वीज व पाणी पुरवठा नियमित करणे आवश्यक आहे. आम्हा विक्रेत्यांना विश्र्वासात न घेताच एसजीपीडीए निर्णय घेत आहेत. बैठकीची कल्पनाही आम्हाला देण्यात येत नाही, असे गोन्साल्विस यांनी सांगितले.