Goa Accident News: राज्यात अपघातांची मालिका सुरूच असून ही आता चिंतेची बाब बनली आहे. कुचेली येथे एका स्वयं अपघाताची घटना समोर आली आहे.

माहितीनुसार, मारुती बलेनो कारच्या (GA03Z5828) चालकाचा वाहनावरील ताबा सुटल्याने कारची विजेच्या खांबाला जोरदार धडक बसली आणि ती एका घराचे कंपाऊंड तोडून भिंतीवर आदळली.

ही घटना कुचेली-शिवोली रस्त्यावर घडली आहे. या अपघातात चालक व सहप्रवासी दोघेही जखमी झाले आहेत.

दरम्यान, चालकाने मद्य प्यायले असल्याने हा अपघात घडले असल्याचे मत परिसरातील नागरिकांनी व्यक्त केले आहे.