Goa Liquor Seized गोवा बनावटीच्या मद्याची मोठ्या प्रमाणावर इतर राज्यात तस्करी केली जाते. यासंबधित वारंवार कारवाई केल्याच्या घटना समोर आल्या आहेत.

शेजारच्या महाराष्ट्र, कर्नाटक राज्यात अशा घटना नेहमी समोर येतात, शिवाय गोव्यातून या राज्यात जाणाऱ्या मार्गावर नेहमीच पोलिसांचा कडा पहारा असतो.

अशीच एक घटना नुकतीच उघडकीस आलीय. कारवार उत्पादन शुल्क विभागाने सुमारे 1,88,420 रुपयांची गोवा बनावटीची दारू जप्त केलीय. होटेगली येथील आनंद माळसेकर, सत्यविजय मालसेकर आणि मनोज कोळंबकर यांना गोवा बनावटीची दारू बेकायदेशीरपणे कर्नाटकात आणून जंगलात लपवून तिची विक्री केल्याप्रकरणी अटक करण्यात आलीय. या घटनेचा पुढील तपास सुरु आहे.