पर्वरी: गोवा राज्य शिक्षण संशोधन आणि प्रशिक्षण परिषदेनं (SCERT-Goa) इयत्ता चौथीच्या विद्यार्थ्यांसाठी २०२४-२५ या शैक्षणिक वर्षासाठी आयोजित करण्यात आलेल्या शिष्यवृत्ती परीक्षेचे वेळापत्रक नुकतेच जाहीर करण्यात आले आहे.

ही परीक्षा येत्या २० एप्रिल २०२५ रोजी, सकाळी १०.०० ते दुपारी १२.०० या वेळेत घेण्यात येणार आहे. राज्यातील सर्व १२ तालुका केंद्रांवर एकाच वेळी ही परीक्षा पार पडेल. मराठी, कोकणी आणि उर्दू या माध्यमांतून शिक्षण घेणाऱ्या शाळांतील इयत्ता चौथीचे विद्यार्थी या परीक्षेस पात्र असणार आहेत.

शालेय जीवनात उत्कृष्ट कामगिरी करणाऱ्या विद्यार्थ्यांना आर्थिक प्रोत्साहन देणे, हा शिष्यवृत्ती परीक्षेचा मुख्य उद्देश असतो.

परीक्षा सुरळीत पार पडावी यासाठी सर्व १२ तालुक्यांतील केंद्रांवर आवश्यक सूचना देण्यात आल्या आहेत. परीक्षेच्या दिवशी विद्यार्थ्यांनी ९.३० वाजता केंद्रावर विद्यार्थ्यांना हजर राहण्याचं आवाहन करण्यात आलं आहे.