डिचोली : श्री दत्त पद्मनाभ पीठ, क्षेत्र तपोभूमी संचलीत संत समाज शिरसईतर्फे विशेष संत समागम शनिवारी (ता.2) पार पडला. कै.पुंडलीक आमोणकर यांच्या प्रथम पुण्यतिथीनिमित्त आयोजन करण्यात आलेल्या संत समागमाची सुरवात कु. ऋत्विक पुंडलीक आमोणकर यांच्या यजमान पदाखाली तसेच श्रीकांत आमोणकर यांच्या पौरोहित्या खाली सद्गुरुपूजनाने झाली.

व्यासपिठावरील उद्घाटक उदय नाईक व धर्म प्रचारक शशीभाऊ केरकर आणि सर्वांच्या उपस्थितीत प्रार्थना, शांतीपाठ, गिता पाठ म्हणण्यात आला. धर्मप्रचारक शशीभाऊ केरकरतर्फे निरूपण सेवा संपन्न झाली. या संत समागमाला संत समाज, डिचोली, वास्को, होंडा, ओपा खांडेपार,शिरोडा, फोंडा, पर्वरी, मयडे, डिचोली, पेडे-म्हपसा, रेवोडा,थिवी-माडेल व शिरसई या सर्व संतसमाजातील गुरूबधू-भगिनी उपस्थित होते.

संत समागमाला उपस्थित गुरूबंधू-भगिनींचे बटू विष्णू पुंडलीक आमोणकर यांनी आभार मानले. शेवटी आरती आणि पसायदानाने विशेष संत समागमाची सांगता झाली.