Saint Francis Xavier Feast, Basilica of Bom Jesus, Old Goa

ओल्ड गोवा: डिसेंबरचा महिना आल्यानंतर गोवेकरांसाठी सर्वात महत्वाचा दिवस ठरतो तो म्हणजे सायबाचें फेस्त. दरवर्षी ३ डिसेंबरच्या दिवशी ओल्ड गोव्यातील चर्चमध्ये सेंट फ्रान्सिस झेवियर यांचे फेस्त आयोजित केले जाते. यावर्षी मात्र दहा वर्षांनी एकदा होणाऱ्या पवित्र शवप्रदर्शन सोहळाने या उत्सवाला विशेष जोड लाभली आहे. मंगळवारी, ३ डिसेंबर रोजी सेंट झेवियर यांच्या फेस्तानिमित्त पूर्णदिवस मास आयोजित करण्यात आले आहे, आणि त्याच्या वेळा खालील प्रमाणे आहेत.

मंगळवारी पहाटे चर्चमध्ये ३:४५ वाजता पहिला मास होईल, यानंतर ५:००, ६:००, ७:१५, ८:३० आणि १०:३० वाजता मास होणार आहे.

दुपारी १२:१५ वाजता इंग्रजीमधून मास होईल आणि त्यांनतर संध्याकाळी ३:३०, ५:०० आणि ६:१५ अशा वेळी धार्मिक प्रार्थना होणार आहे.

सेंट फ्रान्सिस झेवियर यांच्या फेस्ताच्या निमिताने व्हीलचेअर सेवा देखील पुरवली जाणार आहे, मात्र यासाठी केवळ दुपारी २:०० ते संध्याकाळी ५:०० अशी वेळेची मर्यादा असेल.

व्हीलचेअर सेवा मिळवण्यासाठी 'या' गोष्टी महत्वाच्या:

१) शवप्रदर्शन समितीने जारी केलेला पास

२) पॅरिश धर्मगुरूंकडून मिळवलेले पत्र

३) मेडिकल कार्टिफिकेट

४) अपंगत्वाचे प्रमाणपत्र