मास्टर ब्लास्टर सचिन तेंडुलकर (Sachin Tendulkar) गोवा दाैऱ्यावरुन आहे. तो सोशल मिडियावर तेथील अनेक फोटो आणि व्हिडिओ चाहत्यासाठी शेअर करत आहे. कधी तो गोवन बन्सचा अस्वाद घेतांना दिसत आहे तर कधी गोवा-बेळगाव एक्स्प्रेस-वे’वर चहा पीत असतानाचा एक व्हिडिओ  शेअर केला आहे. त्याने अलिकडेच एक नवा व्हिडिओ शेअर केला आहे, ज्यामध्ये तो कोळ्यासह मासेमारी करतांना दिसत आहे. सचिनचा हा व्हिडिओ काही क्षणांत सोशल मिडियावर व्हायरला झाला आहे.

सचिन तेंडुलकर (Sachin Tendulkar) या व्हिडिओमध्ये गोव्यातील (Goa) किनाऱ्यावर मासेमारी करतांना दिसत आहे.व्हिडिओ शेअर करत त्याने लिहिले," गोव्यातील मासेमारी बंधुसह एक मनोरंजक सकाळ". सचिनने जांभळ्या रंगाचा टि-शर्ट आणि शॉर्ट पॅन्ट घालून दिसत आहे. तसेच सी-फूडचा अस्वाद घेतांना दिसत आहे.

दरम्यान, पणजीतील एका हॉटेलमध्ये सचिनने नाश्ता केला. केळ्यापासून बनविलेले बन्स मला खूप आवडले, असे सचिन तेंडुलकरने शेअर केलेल्या व्हिडिओत म्हटले आहे.सचिनचा हा व्हिडिओ काही क्षणांत समाजमाध्यमावर व्हायरला झाला. गोमंतकीय खाद्यपदार्थांचा मी आज आनंद घेतल्याचे त्याने सांगितले.

तसेच काही दिवसांपुर्वी ‘गोवा-बेळगाव एक्स्प्रेस-वे’वर चहा पीत असतानाचा एक व्हिडिओ (Video) मास्‍टर ब्‍लास्‍टर सचिन तेंडुलकरने शेअर केला होता. यावेळी त्याने काही स्थानिकांशी मनमोकळ्या गप्पा मारल्या. एका विद्यार्थिनीची विशेष विचारपूस करत तिच्यासोबत सेल्फीदेखील काढला.