Querim Russian Dj Woman Arrested GHB Drugs in Goa

पणजी: गेली अनेक वर्षे किनारपट्टी भागात संगीत पार्ट्या तसेच काही हॉटेलमध्ये संगीत वाचविणाऱ्या डीजे रशियन महिलेला अमलीपदार्थविरोधी कक्षाच्या पोलिस पथकाने केरी-पेडणे येथे तिच्या फ्लॅटवर छापा टाकला. या छाप्यात तिच्या फ्लॅटमधून गामा हायड्रो बुटायरेट (जीएचबी) हा नव्या प्रकारचा ड्रग्ज तसेच गांजा मिळून सुमारे १७ लाख रुपये किमतीचा अमलीपदार्थ जप्त केला.

ही कारवाई बुधवारी करण्यात आली असून तिला पोलिस कोठडी घेण्यात आली आहे. अमलीपदार्थविरोधी कक्षाच्या सूत्राने दिलेल्या माहितीनुसार संशयित रशियन महिला ही गेली अनेक वर्षे गोव्यात पर्यटन व्हिसावर वास्तव्यास आहे.

कारवाई तीव्र

आतापर्यंत अमलीपदार्थविरोधी कक्षाने यावर्षी १५ हून अधिक प्रकरणे नोंदवून कोट्यवधी रुपयांचा ड्रग्ज जप्त केला आहे. देशी तसेच विदेशी ड्रग्ज विक्रेत्यांना अटक करत ही कारवाई आगामी पर्यटन मोसमात अधिक तीव्र करण्यात येणार असल्याची माहिती या कक्षाच्या पोलिस अधिकाऱ्यांनी दिली.