Dabolim Airport: एका रशियन महिलेला दाबोळी विमानतळावर अटक करण्यात आली आहे. दाबोळी विमानतळ पोलिसांनी ही कारवाई केली. विमानतळाच्या प्रतिबंधित क्षेत्रात तिने प्रवेश केला होता.

शिवाय तिच्याकडे आंतरराष्ट्रीय विमान प्रवासाचे बनावट तिकीट आढळून आले आहे. अलेक्झांड्रीया बाबित्स्काया (वय ३५) असे संशयित युवतीचे नाव आहे.

याबाबत विमानतळावरील सीआयएसएफ सुरक्षा अधिकारी योगेंद्र प्रताप सिंग यांनी पोलिसांत तक्रार दिली आहे. विमानतळ टर्मिनलवरील निषिद्ध भागात ही महिला गेली.

अलेक्झांड्रीया बाबित्स्काया हीच्याकडे एअर अरेबिया फ्लाईटचे बनावट तिकीट होते. या तिकीटाचा नंबर जी ९४९३ असा होता. हे तिकीट बनावट असल्याचे सुरक्षा अधिकाऱ्यांच्या लक्षात आले. त्यानंतर संबंधित महिलेला अटक करण्यात आली.