Goa Ferry Boat Price Hike: फेरीबोटीतून वाहने नेण्यास लावलेल्या शुल्कावर रिव्होल्युशनरी गोवन्स पक्षाने आक्षेप घेतला आहे. विविध फेरी पॉईंटवर पक्षाच्या वतीने आज (शनिवार, दि.04) निदर्शने करण्यात आली.

पक्षाच्या वतीने रायबंदर आणि राशोल फेरी पॉईंटवर निदर्शने करण्यात आली. रायबंदर फेरी पॉईंटवर पक्षाचे एकमेव आमदार विरेश बोरकर सहभागी झाले होते. यावेळी पक्षाचे कार्यकर्ते देखील उपस्थित होते.

'आम्ही तिकीट दरवाढीला विरोध करतो, दरवाढ रद्द करा,' असे बॅनर हातात घेऊन पक्षाच्या वतीने निदर्शने करण्यात आली.

नदी परिवहन खात्याने फेरी बोटमधून दुचाकींना तिकीट आकारणी करण्याची अधिसूचना जारी केली आहे तसेच, चारचाकींच्या तिकीट दरातही वाढ केली आहे.

दुचाकींसाठी प्रति फेरी १० रुपये आणि चारचाकीसाठी ४० रुपये भाडे प्रस्तावित आहे. दुचाकींसाठी १५० रुपये आणि चारचाकीसाठी ६०० रुपये मासिक पासचा पर्यायही प्रस्तावित आहे. या दरवाढीला राज्यभरातून विरोध होताना दिसत आहे.