पणजी : राज्यातील प्रत्येक नागरिकाने कोविड प्रतिबंधात्मक लसीची (Vaccine) एकतरी मात्रा घेईपर्यंत पर्यटन क्षेत्र खुले करता येणार नाही, असे मुख्यमंत्री डॉ. प्रमोद सावंत (Pramod Sawant) यांनी पुन्हा एकदा स्पष्ट केले. विविध घटकांकडून पर्यटन क्षेत्र(Tourism) खुले करण्याविषयी मागण्या वाढू लागल्याकडे मुख्यमंत्र्यांचे लक्ष वेधल्यावर त्यांनी ही भूमिका स्पष्ट केली. मुख्यमंत्री म्हणाले, अर्थचक्रही महत्त्‍वाचे आहे, पण त्याहून अधिक महत्त्‍वाचे जनतेचे आरोग्य आहे. (Restrictions on tourism in Goa till July 31 Chief Minister Sawant)

गोवा पर्यटन विकास महामंडळ साकारणार मये तलावाच्या ठिकाणी ‘थीम पार्क’

त्यामुळे ‘कोविड’ प्रतिबंधात्मक लसीकरणावर सरकारने मोठा भर दिला आहे. ३१ जुलैपर्यंत राज्यातील सर्व नागरिकांनी लसीची किमान पहिली मात्रा घेतलेली असावी, असे लक्ष्‍य ठेवण्यात आले आहे. त्यानंतर पर्यटन क्षेत्र कशाप्रकारे खुले करता येईल, याचा विचार सरकार करणार आहे.