Pilgao Locals Against Vedanta Mineral Transport At Night

डिचोली: येथील वेदान्‍ता कंपनीच्या खनिजप्रश्‍‍नी निर्माण झालेला गुंता सुटणार असे वाटत असतानाच आता पुन्हा ‘विघ्न’ उभे राहण्याची शक्यता निर्माण झाली आहे. काळोखात खनिज वाहतूक नकोच, असा पवित्रा पिळगावच्या जनतेने घेतला असून रात्री दहा वाजेपर्यंत वेळ वाढविण्याच्या प्रस्तावाला विरोध केला आहे.

‘ईसी’त नमूद केल्याप्रमाणेच खनिज वाहतूक करा, असे पिळगाववासीयांचे म्हणणे आहे. खाण खात्याने खनिज वाहतुकीसाठी वेळ वाढवून देण्याच्या प्रस्तावाला मान्यता दिली तर पुढील परिणामांना खाण खाते जबाबदार असेल, असा इशारा त्‍यांनी दिला आहे.

ट्रकमालकांचा प्रस्ताव अमान्य

खनिज वाहतूकप्रश्‍‍नी तोडगा काढण्यासाठी काल सोमवारी आमदार प्रेमेंद्र शेट यांच्या उपस्थितीत डिचोलीत बैठक झाली. तीत खनिज वाहतुकीसाठी वेळ आणि ट्रिप संख्या वाढवून द्यावी, असा प्रस्ताव ट्रकमालक संघटनेतर्फे ठेवण्यात आला. पहाटे ५.३० ते रात्री १० वाजेपर्यंत वाहतुकीस व ताशी किमान ११० ट्रिप मारण्यास मुभा द्यावी, अशी त्‍यांची मागणी आहे.