Fire At Mapusa: म्हापसा येथे राहत्या फ्लॅटला आग लागल्याची घटना मंगळवारी रात्री घडली. आगीची माहिती मिळताच अग्निशमन दलाचे जवान घटनास्थळी दाखल झाले व त्यांनी आगीवर नियंत्रण मिळवले.

म्हापसा येथील राम मनोहर लोहिया मैदानाच्या समोर ही घटना घडली.

मिळालेल्या माहितीनुसार, राम मनोहर लोहिया मैदानाच्या समोरील एका रहिवाशी इमारतीच्या फ्लॅटमध्ये अचानक आग लागली.

स्थानिकांनी आगीची माहिती म्हापसा अग्निशमन दलाला दिली. अग्निशमन दलाचे जवान घटनास्थळी दाखल झाले व त्यांनी आगीवर नियंत्रण मिळवले.

आगीत फ्लॅटमधील बरेच साहित्य जळून खाक झाले आहे. मात्र, ही आग कशामुळे लागली हे अद्याप स्पष्ट होऊ शकले नाही.