Tribes Reservation: गोव्यातील अनुसूचित जमातींना 2027 पर्यंत निश्चितपणे राजकीय आरक्षण मिळेल. भाजपच्या आदिवासी नेत्यांचे शिष्टमंडळ गृहमंत्री अमित शहा यांची भेट घेणार आहे, अशी माहिती मुख्यमंत्र्यांनी बुधवारी बिरसा मुंडा जयंतीनिमित्त पणजीत आयोजित कार्यक्रमात सांगितले.

गोव्यातील अनुसूचित जमातींना 2027 पर्यंत निश्चितपणे राजकीय आरक्षण मिळेल. भाजप सरकार जनतेला दिलेली आश्वासने पूर्ण करण्यास सक्षम आहे आणि अनुसूचित जमातीच्या उत्थानासाठी काम करत आहे. गोव्यातील अनुसूचित जमातीच्या राजकीय आरक्षणाबाबत राज्य सरकार केंद्र सरकारकडे सातत्याने पाठपुरावा करत आहे.

लवकरच त्यांच्यासह भाजपच्या आदिवासी नेत्यांचे शिष्टमंडळ यासंदर्भात गृहमंत्री अमित शहा यांची भेट घेणार आहेत, असेही ते म्हणाले.

भाजप सरकारने एसटी समाजाला राजकीय आरक्षणाचे आश्वासन दिले आहे आणि त्यामुळे २०२७ पर्यंत ते नक्की होईल. बिरसा मुंडा जयंतीनिमित्त पुढील आठ दिवस गोव्यात विविध कार्यक्रम होणार असून एसटीचे नेते समाजाची भेट घेणार आहेत.