ST Reservation: 2027 च्या विधानसभा निवडणुकीत गोव्यातील एसटी समाजाला राजकीय आरक्षण दिले जाईल, अशी घोषणा मुख्यमंत्री प्रमोद सावंत यांनी आज (शनिवारी) विधानसभा अधिवेशनात घोषणा केली.

आरक्षणाची घोषणा गोव्यातील तमाम एसटी बांधवांसाठी आनंदाची बाब आहे, अशी प्रतिक्रिया भाजप एसटी मोर्चाचे उपाध्यक्ष अँथनी बार्बोजा यांनी दिली.

गोव्यात आतापर्यंत एसटीना फक्त भाजप राजवटीतच न्याय मिळाला आहे. केंद्रात भाजप सरकार असताना पहिल्यांदा वाजपेयी सरकारने गोव्यातील गावडा, कुणबी व वेळीप या तीन समाजाना एसटी दर्जा प्राप्त झाला.

गोव्यात भाजप सरकारात आदिवासीं कल्याण खत्याचे मंत्री असताना रमेश तवडकर यांनी एसटीसाठी तमाम योजना लागू केल्या आणि या समाजाला राजकीय आरक्षणही भाजपचेच डबल इंजिन सरकार मिळवून देईल असा विश्वास बार्बोजा यांनी व्यक्त केला.

बार्बोजा म्हणले, प्रधानमंत्री नरेंद्र मोदी हेही एसटीना त्यांचा योग्य मान देण्यासाठी वावरत आहेत. त्यांच्यामुळेच द्रौपदी मुर्मू या आदिवासी महिला भारताच्या राष्ट्रपती होऊ शकल्या.

भाजप सरकार हे वंचितांना पूढे आणणारे सरकार आहे त्यामूळे गोव्यातील सर्व एसटी बांधवांनी भाजपवर पूर्ण विश्वास ठेवण्याची गरज आहे.