Chemical Spillage At Karaswada Estate: सोडीयम स्पिरीट केमिकल खाली करताना टँकरचे झाकण उडाल्याने केमिकलची गळती झाल्याचा प्रकार करासवाडा औद्योगिक वसाहतीमधील एका कंपनीमध्ये घडला. हा प्रकार लक्षात येताच कंपनीने वेळीच यावर नियंत्रण मिळविले. तसेच अग्निशामक दलालाही पाचारण करण्यात आले होते.

याबाबत अधिक माहिती अशी की, गुरुवारी संध्याकाळी करासवाडा औद्योगिक वसाहतीमधील एका कंपनीमध्ये ट्रक स्पिरिट केमिकल घेऊन आला. यावेळी गाडीमधून स्पिरिट खाली करत असताना अचानक झाकणाकडे गळती लागली.

ही बाब कंपनी व्यवस्थापनाच्या लक्षात येताच कंपनीने यावर नियंत्रण मिळविले. तसेच घटनेची माहिती म्हापसा अग्निशमन दलाला देण्यात आली. म्हापसा अग्निशमन दलाचे जवान घटनास्थळी स्टॅण्डबायवर होते. परंतु स्थिती वेळीच नियंत्रणात आली.