मोरजी : पेडणे मासळी मार्केटच्‍या दुरुस्तीचे काम सुरू झाल्याने मासळीविक्रेत्‍यांसह नागरिकांनी समाधान व्यक्त केले आहे. पेडणे नगरपालिकेच्या मालकीचे हे मार्केट मोडकळीस आले होते. छपराला ठिकठिकाणी गळती लागली होती.

या मार्केटची दुरुस्ती करावी अशी मागणी कित्येक दिवसांपासून केली जात होती. व्यावसायिकांना तर आपला जीव मुठीत घेऊन व्यवसाय करावा लागत होता. दरम्‍यान, चार दिवसापूर्वी सदर मार्केटबाबत वर्तमानपत्रांत वृत्त प्रसिद्ध झाले होते. त्याची गंभीर दखल आमदार प्रवीण आर्लेकर यांनी घेऊन या संपूर्ण मार्केट परिसराची पाहणी करून पालिकेला दुरुस्ती काम लवकरात लवकर हाती घेण्‍याची सूचना केली होती.