Fr. Henry Falcao on Old Goa Exposition Ceremony

ओल्ड गोवा: गेल्या अनेक दिवसांपासून गोव्यात सेंट फ्रान्सिस झेवियर यांच्या शव प्रदर्शनाची चर्चा सुरु होती. आंतराष्ट्रीय स्थरावर या सोहळयाला एक महत्व प्राप्त आहे. केवळ देशभरातूनच नाही तर विदेशातून देखील अनेक भाविक गोव्यात सेंट झेवियर यांच्या शव प्रदर्शनाला उपास्थित राहत आहेत. गुरुवारी (दि. 21 नोव्हेंबर) रोजी सकाळी 9:30 वाजता या शव प्रदर्शन सोहळ्याला सुरुवात झाली होती. राज्याचे मुख्यमंत्री आणि राज्यपालांनी देखील चर्चमध्ये हजेरी लावत पवित्र अवशेषांचे दर्शन घेतले.

"या पवित्र सोहळ्याबद्दल बोलताना फादर हेन्री फाल्काओ म्हणालेत की हे प्रदर्शन गेल्या अनेक वर्षांपासून हे पवित्र शव प्रदर्शन गोव्याच्या संस्कृतीचा एक महत्वाचा भाग बनून आहे. अनेकवेळा त्यांचं पवित्र शरीर पुरून सुद्धा ते शरीर खराब झालं नाही, हा खऱ्या अर्थाने दैवी चमत्कारच आहे.

हा एक धार्मिक सोहळा आहे, याचे व्यव्यसायीकरण करू नये. गेल्या काही वर्षांत हा सोहळा आंतराष्ट्रीय स्थरावर जाऊन पोहोचला आहे, देश-विदेशातून येणाऱ्या भाविकांसाठी हा सोहळा महत्वपूर्ण आहे. यामुळे धार्मिक संबंध मजबूत व्हायला मदत होते."

या सोहळ्याबद्दल बोलताना मुखमंत्री प्रमोद सावंत म्हणाले की कित्येक दिवसांपासून समिती या शव प्रदर्शनाच्या कामात जुंपली आहे, अनेकांनी हा कार्यक्रम यशस्वी व्हावा म्हणून प्रयत्न केले आहेत. पुढे मुख्यमंत्र्यांनी 27 डिसेंबर रोजी होणाऱ्या लाईट अँड साऊंड शोबद्दल माहिती दिली. सर्वांच्या सहकार्याने हा कार्यक्रम आम्ही यशस्वी करून दाखवू असा विश्वास देखील मुख्यमंत्र्यांनी व्यक्त केला.