बी टाऊनचे लोकप्रिय जोडपे रकुल प्रीत सिंग आणि जॅकी भगनानी आज (बुधवारी) गोव्यात लग्न करणार आहेत. गोव्यातील रॉयल हॉटेलमध्ये हे जोडपे सात फेरे घेतील.
या शाही लग्नात सहभागी होण्यासाठी बॉलिवूडचे अनेक स्टार्स गोव्यात दाखल झाले आहेत. विविध माध्यमांनी दिलेल्या रिपोर्टनुसार, रकुल आणि जॅकी एक नव्हे तर दोन रितीरिवाजानुसार लग्न करणार असल्याची चर्चा आहे.
हिंदुस्तान टाईम्सने प्रसिद्ध केलेल्या वृत्तानुसार, रकुल प्रीत सिंग आणि जॅकी भगनानी पंजाबी आणि सिंधी रितीरिवाजानुसार लग्न करणार आहेत. रकुल पंजाबी आहे तर, जॅकी हा सिंधी कुटुंबातील आहे.
रकुल - जॅकी 'आनंद कारज' (पंजाबी रितीरिवाज) आणि सिंधी अशा दोन्ही रितीरिवाजानुसार लग्न करणार आहेत. लग्नानंतर उपस्थित पाहुण्यांसाठी आफ्टर पार्टीचे आयोजन करण्यात येणार आहे.
रकुल आणि जॅकी यांच्या लग्नासाठी त्यांच्या कुटुंबाव्यतिरिक्त बी टाऊन सेलिब्रिटींनी हजेरी लावली आहे.
वधू रकुलचा चुडा समारंभ बुधवारी (दि.21) सकाळी होणार असून, जोडपे दुपारी 3.30 नंतर सात फेरे घेतील.
रकुल आणि जॅकीचा लग्न समारंभ पूर्णपणे खाजगी ठेवाला जाणार आहे. दोघांच्या लग्नाचे खास फोटो ते स्वतः शेअर करणार आहेत. त्यामुळे अतिथींना लग्नस्थळी फोन वापरण्याची परवानगी देण्यात आलेली नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.