Goa Railway Corruption: रेल्वे सुरक्षा पोलिस दलाने तिकिटांचा काळाबाजार केल्याप्रकरणी काल मडगाव येथील ईएसआय हॉस्पिटल जवळील फातिमा टूर्स अँड ट्रॅव्हल्स दुकानावर छापेमारी केली.

या कारवाईत पोलिसांनी लाखो रुपयांची रेल्वे तिकिटे, 62 बनावट ओळखपत्रांसह कागदपत्रे जप्त केली आहेत. या प्रकरणी आस्थापन मालक तजुद्दीन कादर (32) याच्यासह हंसराज म. वाघेला (20) याला अटक झाली आहे.

अनेक महिन्यांपासून रेल्वे सिस्टमवरून तिकिट लगेच संपत असल्याच्या तक्रारी होत्या. दरम्यान, संबधित अधिकांऱ्यांना रेल्वे तिकिटांचा काळाबाजार होत असल्याची माहिती सूत्रांकडून मिळाली.

यावरून ही कारवाई करण्यात आली. पोलिसांनी 62 बनावट ओळखपत्रे जप्त केली आहेत. या ओळखपत्रांच्या माध्यमातून रेल्वे तिकिट बुकिंग केले जात होते.

पार्किंग शुल्काचे काय?

कारवाईत लाखो रुपयांची रेल्वे तिकिटे जप्त करण्यात आली. संशयित हे बनावट ओळखपत्रे तयार करुन तिकिटे मिळवत आणि अतिरिक्त रक्कम घेऊन प्रवाशांना विक्री करत होते.

यातील काही तिकिटांवरून प्रवास व्हायचा आहे, ती तिकिटे ब्लॉक करण्यात येतील, असे रेल्वे सुरक्षा पोलिस दलाचे पोलिस निरिक्षक विनोद मिश्रा यांनी सांगितले.