ड्रग्सविरोधी पथकाने मोलेभाट-साळगाव येथील वाघ बार आणि रेस्टॉरंटवर छापा टाकून संडे ओनी लकी (47, मूळ‌ नायजेरिया सध्या रा. ताळगाव) या संशयिताकडून सुमारे 67 लाखांचे एमडीएमए आणि एलएसडी लिक्विड हे अमली पदार्थ जप्त केले आहे. तसेच संशयिताला अटक केली आहे.

पोलिसांना याची माहिती मिळताच पोलिसांनी (police) घटनास्थळी धाव घेत छापा टाकला असता, त्यांनी घटनास्थळावरुन एमडीएमए आणि एलएसडी लिक्विड नावाचे अमली पदार्थ (Drugs) जप्त केले आहेत. याची सध्या मार्केटमध्ये 67 लाख रुपये एवढी किंमत आहे. हे अमली पदार्थ नेमके कुठून आले, आणि याची विक्री कुठ केली जाणार होती याचा तपास पोलिस करत आहेत.

वेर्णा पोलिसांनी केलेल्या कारवाईत गांजा बाळगल्याप्रकरणी झुआरी नगर येथील एका मोकळ्या जागेत आरोपी प्रकाश सेन (वय 37) ओडीशा येथील युवकाला अटक करून त्याच्याकडून एक 1.07 किलोग्रॅम गांजा जप्त केला. त्याची किंमत 1 लाख 10 हजार रुपये एवढी होते.

वेर्णा पोलिसांनी दिलेल्या माहितीनुसार झुआरीनगर येथे एक इसम संशयास्पदरित्या वावरत असल्याची माहिती पोलिसांना मिळाली. त्यानुसार जाऊन संशयिताची झडती घेतली असता त्याच्याकडे निळ्या प्लास्टिक पिशवीत गुंडाळलेला 650 ग्रॅम आणि 457 मिळून 1.107 ग्रॅम गांजा सापडला. नंतर त्याला ताब्यात घेऊन अटक करण्यात आली. पोलिस उपनिरीक्षक श्रीधर कामत अधिक तपास करीत आहे.