Illegal Tour Operators

मडगाव: गोव्यात आरटीओ किंवा पर्यटन खाते या दोन्हीकडे स्वतःला नोंद करून न घेतलेले खासगी अनधिकृत टूर ऑपरेटर बेकायदेशररित्या वावरत असून या टूर ऑपरेटर्सवर करवाई करावी, अशी मागणी केळशी येथील टॅक्सीचालकांनी केली आहे.

केळशी येथे एका गाडीला स्थानिक टॅक्सी चालकांकडून अडविण्याचा प्रकार घडला होता. हा टॅक्सी चालक बेकायदेशीर टूर ऑपरेटर कंपनीचा होता, असा दावा स्थानिक टॅक्सी चालकांनी केला होता. याचा व्हिडिओ समाज माध्यमावर व्हायरल झाला होता. स्थानिक टॅक्सी चालक पर्यटकांना सतावत असल्याचा आरोप झाला होता. त्यानंतर आज केळशी येथील टॅक्सी चालकांनी केळशीचे सरपंच डिक्सन वाझ यांच्यासह कोलवा पोलीस स्थानक गाठून बेकायदेशीर टूर ऑपरेटरवर करवाई करा, अशी मागणी केली.

ज्या टूर ऑपरेटरची गाडी असल्याचे सांगण्यात आले ती कंपनी हैदराबाद येथे रजिस्टर आहे मात्र त्या कंपनीकडून गोव्यात बेकायदेशीर व्यवसाय चालू आहे. आधीच गोवा माईल्समुळे स्थानिक टॅक्सी चालकांचा व्यवसाय बुडत चालला आहे, त्यात आता अशा बेकायदेशीर कंपन्या येथे पर्यटक घेऊन जाऊ लागले तर स्थानिकांनी व्यवसाय कसा करावा असा प्रश्र्न केळशीचे सरपंच वाझ यांनी केला.