सासष्टी: कुठ्ठाळी जेटीच्या खासगीकरणाचा सरकारचा डाव आहे. या जेटीचे खासगीकरण कुठ्ठाळी येथील लोकांचे किंवा गोव्यातील मच्छीमार समाजाच्या फायद्याचे नाही. त्यासाठी या जेटीच्या खासगीकरणास काँग्रेस पूर्णपणे विरोध करणार व खासगीकरणाचा सरकारचा डाव हाणून पाडणार, असे दक्षिण गोवा काँग्रेस जिल्हा समितीचे अध्यक्ष सावियो डिसिल्वा व कुठ्ठाळचे काँग्रेस नेते ओलेंसियो सिमॉईश यांनी आज मडगावात पत्रकार परिषदेत सांगितले.
आमदार आलेक्स रेजिनाल्ड लॉरेन्से यांनी मच्छीमारमंत्री नीळकंठ हळर्णकर यांना यासंदर्भात विचारले असता, कुठ्ठाळी जेटीच्या खासगीकरणास मंजुरी दिली त्यांनी सांगितले.
कुठ्ठाळीचे आमदार आंतोन वाझ यांनी या खासगीकरणाला विरोध करायला हवा होता, पण यासंदर्भात आपल्याला काहीच माहीत नसल्याचे आमदार भासवतात. जर त्यांना काहीच माहीत नसेल, तर त्यांनी हा प्रश्न राज्य सरकारकडे न्यायला पाहिजे. तसे होत नसेल, तर त्यांनी राजीनामा द्यावा, अशी मागणी ओलेंसियो सिमोईश यांनी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.