Vishwajeet Rane: आरोग्य मंत्री विश्वजीत राणे यांच्यावर मध्य प्रदेश विधानसभा निवडणुकीच्या 20 मतदारसंघांची प्रचाराची जबाबदारी सोपवण्यात आली आहे. यासाठी सध्या ते मध्य प्रदेशमधील विविध मतदारसंघांत सक्रिय आहेत.

पंतप्रधान नरेंद्र मोदी प्रचारासाठी सध्या या मतदारसंघामध्ये आहेत. यादरम्यान मंत्री राणे यांनी पंतप्रधान यांची भेट घेऊन चर्चा केली, यासंबंधीची माहिती त्यांनी दिली.

मंत्री राणे म्हणाले, माझे नेते आणि विश्वगुरु पंतप्रधान नरेंद्र मोदी यांची आज इंदूर येथे भेट झाली. हा प्रसंग खूपच आनंददायक होता.

विमानतळावर आम्ही त्यांचे स्वागत केले. माझा त्यांच्यावर आणि त्यांच्या दूरदर्शी नेतृत्वावर अढळ विश्वास आहे. त्यांच्या मार्गदर्शनाखाली आपल्या देशाने सातत्याने नवीन उंची गाठली आहे. आपल्या देशाच्या प्रगतीसाठी त्यांच्या समर्पणाबद्दल आणि वचनबद्धतेबद्दल मला नेहमीच कौतुक वाटते, असेही राणे म्हणाले.