Bolmax Pereira objectionable comments on Shivaji maharaj: 'छत्रपती शिवाजी महाराज हिरो पण देव नाही' असे वक्तव्य फादर बोलमॅक्स परेरा यांनी केले आहे. याप्रकरणी शिवप्रेमींनी फादर परेरा यांच्याविरोधात काणकोण पोलीस ठाण्यात तक्रार दाखल केली आहे.

परेरा यांनी छत्रपती शिवाजी महाराजांच्या विरोधात वादग्रस्त वक्तव्य करून गोव्यातील जनतेच्या भावना दुखवल्या आहेत. असे शिवप्रेमींनी दाखल केलेल्या तक्रारीत म्हटले आहे. काणकोणचे रहिवासी सम्राट भगत यांनी ही तक्रार दाखल केली आहे.

काय म्हणाले फादर बोलमॅक्स परेरा?

काही दिवसांपूर्वी कळंगुटमध्ये एक घटना घडली. येथील पंचायतीचा सरपंच सरपंच ख्रिचन असल्याने मोठा वाद झाला. छत्रपती शिवाजी देव झालेत, पण शिवाजी महाराज देव नाहीत. शिवाजी राष्ट्रीय हिरो आपण त्यांना मान दिला पाहिजे त्यांचा आदर केला पाहिजे.

या राज्यासाठी त्यांनी केलं त्याचा आपण आदर केला पाहिजे. ते हिरो आहेत पण देव नाहीत. पण हिंदू लोकांनी त्यांना देव केलं आहे. असे वक्तव्य फादर बोलमॅक्स परेरा यांनी केले आहे.

खरेच हिंदू खतरे में है, असे मी पुन्हा म्हणतो. आपण हिंदूंना विचारायला हवे की छत्रपती शिवाजी महाराज तुमचा देव? तर ते देव नाहीत राष्ट्रीय हिरो आहेत. असे वक्तव्य परेरा यांनी केले आहे.

फादर बोलमॅक्स परेरा एसएफसी चर्च चिखली येथे बोलताना वरील वक्तव्य केले आहे. परेरा यांच्या या वक्तव्याचा व्हिडिओ सध्या सोशल मिडियावर सर्वत्र व्हायरल होत आहे. परेरा यांनी गोव्यातील जनतेच्या धार्मिक भावना दुखावल्याप्रकरणी त्यांच्या विरोधात गुन्हा दाखल करण्याची मागणी केली आहे.

गुन्हा दाखल करून या प्रकरणाची चौकशी करून कारवाई करण्याची मागणी शिवप्रेमींनी या तक्रारीद्वारे केली आहे.