वाळपई: सत्तरी (Sattari) तालुक्यात 1 डिसेंबरपासून पावाचा दर (bread price) वाढणार आहे. 50 ग्रॅम वजनाचा पाव पाच रुपये दराने विकला जाणार आहे. ग्राहकांनी यापुढेही सहकार्य द्यावे, असे आवाहन सत्तरी बेकरी असोसिएशनतर्फे (bakery business) करण्यात आले आहे. वेळूस येथे घेतलेल्या पत्रकार परिषदेत संघटनेचे अध्यक्ष प्रकाश झर्मेकर यांनी माहिती दिली आहे. ते म्हणाले, पावाचा दर 4 रुपये होता. मात्र गेल्या काही महिन्यांपासून सतत पिठाच्या दरात वाढ होऊ लागल्‍याने व्यवसायाला फटका बसू लागला आहे.

परिणामी पावाचा दर वाढविण्याशिवाय दुसरा पर्याय नाही. कामगारांबरोबरच मैदा आणि लाकडांचे दरही वाढले आहेत. त्‍यामुळे या व्यवसायात गुंतलेल्या व्यावसायिकांना कर्ज काढावे लागत आहे. 50 किलो पिठाच्या पिशवीचा दर 90 रुपये होता. तो आता तब्‍बल 1400 रुपयांवर पोचला आहे.