तेजश्री कुंभार

पणजी :

राज्यात गेल्या काही दिवसांपासून पावसाने विश्रांती घेतली होती. मात्र, रविवारी सकाळी व सायंकाळी ५ वा.नंतर पावसाने आपली हजेरी लावली. दरम्यान, २८ ते ३० तारखेपर्यंतही पावसाची शक्यता गोवा वेधशाळेने व्यक्त केली आहे. समुद्रकिनारी ४० ते ५० कि.मी. प्रति तास वेगाने वारे वाहणार असल्याने समुद्रानजीक न जाण्याचा इशारा वेधशाळेने दिला आहे.
गेल्या चोवीस तासांत म्हापशात ८.०० मि.मी., पेडणे १०.८०, फोंडा ९.०, पणजीत ४२.४०, जुने गोवे २३.००, साखळीत १६.४०, काणकोणात ३०.२०, दाबोळीत ५.८, मुरगाव २२.८, केपेत १८.००, सांगेत १२.९ मि.मी. इतक्या पावसाची नोंद झाली आहे.

- महेश तांडेल