पणजी : राजकारणातून निवृत्ती घेण्याचा माझा कोणताही विचार नाही, अशा शब्दात प्रतापसिंग राणेंनी सर्व चर्चांना पूर्णविराम दिला आहे. मी कुणालाही निवृत्ती घेणार असे सांगितलेले नाही, त्यामुळे निवृत्तीचं वृत्त ही केवळ अफवा असल्याचं राणेंनी स्पष्ट केलं आहे. आगामी विधानसभा निवडणुकीतून माघार घेण्याचा कोणताही विचार नसल्याचंही ते म्हणाले आहेत. (Pratapsingh Rane's Statement on Political Retirement)

मी राजकारणातून निवृत्ती घेणार असं कोण म्हणतं असा खडा सवालच प्रतापसिंग राणेंनी विचारला आहे. निवडणुका (Goa Assembly Election) जाहीर होऊद्या मग निर्णय घेईन अशा शब्दात प्रतापसिंग राणेंनी फटकारलं आहे. राजकारणात 50 वर्षं पूर्ण केल्यावर पणजीमध्ये काँग्रेस (Congress) पक्षाने जेव्हा आपला सत्कार केला होता, त्यावेळा आपल्याला विश्रांतीची गरज आहे असे आपण बोललो होतो. मात्र आपल्या वक्तव्याचा विपर्यास करत आपण निवृत्ती घेणार असल्याच्या अफवा पसरवल्या गेल्याचा दावाही राणेंनी केला आहे.

राजकारणातून निवृत्तीच्या प्रश्नावर सडेतोड उत्तर देतानाच प्रतापसिंग राणेंनी कॅबिनेट मंत्रिपदाची मागणी कधीही केली नसल्याचंही म्हटलं आहे. अजून सरकारने (Goa Government) तसा पत्रव्यवहारही केला नसल्याचंही त्यांनी स्पष्ट केलं. मात्र यावर काही पत्रव्यवहार झाल्यावरच बोलणं योग्य असल्याचंही राणेंनी सांगितलं.