कोलवाळ पंचायत क्षेत्रात मागील सात-आठ दिवसांपासून, वारंवार वीजपुरवठा खंडित होत असल्याने स्थानिक हैराण झाले आहेत. कोलवाळ ते रेवोडाच्या 11केव्ही वीज वाहिन्यांची तातडीची दुरुस्ती करावी, अशी मागणी स्थानिकांनी प्रशासनाकडे केली आहे.

मागील सात-आठ दिवसांपासून कोलवाळ ते रेवोडा परिसरातील लोकांना खंडित वीजपुरवठ्याचा त्रास सहन करावा लागत आहे. वारंवार खंडित वीजपुरवठ्यामुळे लोक त्रस्त झाले आहेत. दिवसांतून कुठल्यावेळी वीजपुरवठा वारंवार खंडित होत आहे.

यासंदर्भात माजी पंचसदस्य रितेश वारखंडकर म्हणाले, ‘कोलवाळ ते रेवोडा परिसरातील 11केव्ही वाहिन्यांवर बिघाड झाल्याचे दिसते. त्यामुळे हा वीजपुरवठा खंडित होत असल्याचा संशय त्यांनी व्यक्त केला. त्यामुळे सरकारने याकडे लक्ष देऊन ही समस्या सोडवावी.’

पावसात सायंकाळच्या वेळी हा वीजेचा लंपडाव जास्त होत असल्याने खूप त्रास होत आहे.