वीज खांब पडल्याने वाळपई तालुक्यातील शेळ-मेळावली (Shel meloli, Valpoi) येथील वीज पुरवठा खंडीत झाला आहे. झाड कोसळल्याने वीज खांब पडल्याची माहिती समोर आली आहे. पहाटेच्या सुमारास ही घटना घडली.

गोवा वीज खात्याने याबाबत माहिती दिली आहे. वीज खात्याचे कर्मचारी घटनास्थळी दाखल झाले असून, वीज पुरवठा सुरळीत करण्याचे काम सुरू आहे. अशी माहिती खात्याने दिली आहे.

डिचोली विभागाने दिलेल्या माहितीनुसार, शेळ-मेळावली येथे झाड कोसळल्याने वीज खांब पडला आहे. यामुळे काही भागातील वीज पुरवठा खंडित झाला असून, आमची टीम घटनास्थळी दाखल झाली आहे. वीज पुरवठा सुरळीत करण्याचे काम सुरू असून, तीन तासांत वीज पुरवठा सुरू केला जाईल. असे खात्याने म्हटले आहे.