Goa police beef raid news: अवैध पद्धतीने वाहतूक केले जाणारे तब्बल दोन टन गोमांस जप्त करण्यात आले आहे. बोरी पुल येथे गुरुवारी (१२ डिसेंबर) फोंडा पोलिसांनी ही कारवाई केली. आयशर ट्रकमध्ये मोठ्या प्रमाणावर बीफ साठवून त्याची वाहतूक केली जात असताना ही कारवाई करण्यात आली.

फोंडा पोलिसांकडून मिळालेल्या माहितीनुसार, गोमांस भरलेला GA 08 V 3896 हा ट्रक पोलिसांनी जप्त केला असून, याप्रकरणी दोघांना ताब्यात घेतले आहे. गोमांस कोठून आणले, यासाठी कत्तल कोठे करण्यात आली याची चौकशी सध्या पोलिस करत आहेत. जप्त केलेल्या ट्रकमध्ये तब्बल दोन टन गोमांस असल्याची माहिती समोर आली आहे. फोंडा पोलिस अधिक तपास करत आहेत.

वाळपईतील गोप्रेमींमुळे उघडकीस आला प्रकार

सूत्रांनी दिलेल्या माहितीनुसार, वाळपईतील एका गोप्रेमीला GA 08 V 3896 या ट्रकमध्ये गोमांस असल्याचा संशय आला. काही गावकऱ्यांना सोबत घेऊन गोप्रेमींनी ट्रकचा पाठलाग केला. बोरी येथे ट्रक अडवण्यात आला व तपासणी केली असता त्यात गोमांस आढळून आले, अशी माहिती मिळाली आहे.