Free Legal Aid Cell In Goa: मिरामार येथील साळगावकर विधी महाविद्यालयाच्या विद्यार्थ्यांनी कौतुकास्पद निर्णय घेतला आहे. राज्यातील लोकांसाठी विद्यार्थ्यांनी मोफत लिगल सेल सुरु केली आहे.

कायदेविषयक कोणाली काही अडचण येत असल्यास या सेलची मोफत मदत घेता येईल अशी माहिती विद्यार्थ्यांनी प्रसिद्ध केलेल्या परिपत्रकात म्हटले आहे.

विधी महाविद्यालयाच्या विद्यार्थ्याच्या मार्फत कायेविषयक सल्ला, एफिडिवेट, सरकारी योजनांचा लाभ घेण्यासाठी आवश्यक अर्ज करणे आणि सामाजिक क्षेत्रातील सुविधा याबाबत माहिती आणि सल्ला देण्याचे काम विद्यार्थी मोफत करणार आहेत. अशी माहिती परिपत्रकात देण्यात आली आहे.

प्रत्येक शनिवारी दुपारी तीन ते सायंकाळी पाच यावेळेत फोंडा येथे हे सुविधा केंद्र सुरु राहणार आहे.

काय काय सुविधा मिळणार

- आधार कार्ड, पॅन कार्ड आणि रेशन कार्ड

- आधार कार्ड, पॅन कार्ड आणि रेशन कार्ड लिंक करणे

- जन्म आणि मृत्यूचा दाखला काढणे

- ज्येष्ठ नागरिक कार्ड

- डीएसएस योजना - विधवा आणि ज्येष्ठ नागरिकांसाठी (60+)

- लाडली लक्ष्मी योजना

नागरिकांना कायदेविषक काही समस्या भेडसावत असतील तर, त्यांना फोंडा येथील लिगल सेलची मदत घेता येईल अशी माहिती साळगावकर विधी महाविद्यालयाच्या विद्यार्थ्यांनी दिली आहे.